Hyllestad kommune legg forslag til ny lokal gebyrforskrift for areal og byggesak ut på høyring.
Føremålet med ny gebyrforskrift har vore å tydeleggjere dei ulike oppgåvene kommunen har knytt til sakshandsaming etter plan- og bygningslova, eigarseksjonslova og matrikkellova, og kva kostandar dette medfører.
Gjeldande forskrift blei vedteken i Hyllestad kommunestyre 09.12.2010.
Utgangspunktet for arbeidet med ny gebyrforskrift har vore å utarbeide ei innretting som på ein
fleksibel måte klarer å spegle kommunen sin ressursbruk i dei enkelte sakene. Gebyrforskrifta skal
samstundes sørge for å finansiere dei oppgåvene som kommunen etter lovar og reglar er pålagt å
utføre. Vidare har hensikta vore å lage ei innretting som er mest mogleg rettferdig for alle
forslagsstillarar, tiltakshavarar og rekvirentar, samstundes som utforminga av forskrifta skal
minimere rettmessige klagesaker på gebyra.
Formannskapet vedtok den 31.08.2023 å legge forslag til lokal forskrift for areal og byggesak for Hyllestad kommune ut på høyring.
Relevante dokument finn du nederst på sida.
Har du innspel?
Frist for å sende inn uttale er 20.10.2023 og kan sendast på e-post til postmottak@hyllestad.kommune.no, eller per post til Hyllestad kommune, Lifjordvegen 7, 6957 Hyllestad.
Merk høyringssvar med saksnummer 22/565.
Det vert gjort merksam på at høyringsuttalar er offentlege, jf. offentlighetsloven og vil bli publisert på Hyllestad kommune si heimeside i samband med at saka oversendast til politisk handsaming.
Har du spørsmål?
Dersom du lurer på noko, kan du ta kontakt med Gaute Lundeland på e-post gaute.lundeland@hyllestad.kommune.no eller telefon 57789529.
Dokument
Forslag til ny gebyrforskrift for areal og byggesak (PDF, 246 kB)
Høyringsbrev (PDF, 175 kB)