Eigedomsskattesetel
Dersom du skal betale eigedomsskatt for din eigedom, får du ein skattesetel med informasjon om takst og kva du skal betale i skatt. Eigedomssetelen vert hovudsakleg sendt til di digitale postkasse. Har du reservert deg mot digital post frå det offentlege, får du den på papir. Verksemder får setelen i Altinn.
Setelen vert sendt ut i slutten av februar kvart år.
Betalingsterminar
Faktura for eigedomsskatt og kommunale avgifter betaler du fire gangar i året.
Dersom ein eigedom har fleire eigarar, eller det skjer eit eigarskifte i løpet av året, må eigarane bli samde seg imellom om korleis de vil fordele kommunale avgifter og eigedomsskatt. Det er grunneigar/ festar som er ansvarleg for betaling av eigedomsskatten.
Widget - sjå faktura
Slik bereknar vi eigedomsskatten
Det er Lov om eigedomsskatt som er grunnlag for korleis vi bereknar eigedomsskatten. Lova seier at eigedomen sin takstverdi skal settast til det beløpet som eigedomen kan antakast å kunne omsettast for ved fritt sal.
Kommunestyret har vedteke at 70 % av denne taksten skal beskattast med fire promille for bustad- og fritidseigedomar. Eigedomsskatten elles (t.d. for verk og bruk, næring,, ubebygde tomter tomter) er fastsett til sju promille.
Taksten er sett etter at alle eigedomar med bygg er synfart i samband med hovudtakseringa, i tråd med rammer, lov og retningsliner for taksering (PDF, 3 MB) og vedteken av sakkyndig nemnd.
Fritak frå eigedomsskatt
Enkelte eigedomar skal ha heilt eller delvis fritak frå eigedomsskatt. Eigar/festar som meiner dei skulle hatt fritak, men ikkje har fått det, kan søkje om fritak.
Du sender ein søknad til postmottak@hyllestad.kommune.no eller Hyllestad kommune, Lifjordvegen 7, 6957 Hyllestad, med informasjon om kva eigedom det gjeld og grunngjeving.
Du finn meir informasjon om fritaksgrunnar i eigedomsskattelova.
Klage på fastsett takst
Det er mogleg å klage på den fastsette taksten for din eigedom. Klagefristen er seks veker etter at skattelista for skatteåret er kunngjort innan 1. mars kvart år. Det er ikkje høve til å klage på same grunnlag fleire gonger.
Dersom det er faktafeil som skal korrigerast kan du ta kontakt, så vert dette justert fortløpande.
Det skal vere ei allminneleg taksering i kommunen kvart tiande år som utgangspunkt.
I staden for allmenn taksering kan kommunestyret gjere vedtak om auke av det verdet (taksten) som eigedomen blei sett til ved siste hovudtaksering (kontorjustering).
Reglar for verdisetting går fram av eigedomsskattelova § 8 A-3.
Då skriv du e-post/ brev om det du meiner er feil. Tilbakemeldingar og klager må vere skriftlege. Det kan sendast på e-post til postmottak@hyllestad.kommune.no eller per post til Hyllestad kommune, Lifjordvegen 7, 6957 Hyllestad.
Klage på eigedomsskatt må fremjast innan seks veker etter utskriving av eigedomsskatten.
Ja, det kan du, fristen for å krevje slik omtaksering er i utgangspunktet 1. november i året før skatteåret.
Slikt krav må sendast inn skriftleg.
Eigedomsskattelova § 7 seier at kommunestyret kan innvilge fritak for eigedomsskatt, heilt eller delvis, til følgjande eigedomar:
- Eigedomar til stiftingar eller institusjonar som tek sikte på å gagna kommunen.
- Bygning som har historisk verde.
- Bygning som heilt eller i noko mon vert nytta til husvære. Fritaket kan gjelda i opptil 20 år frå den tida bygningen vart ferdig. Formannskapet eller utval som er nemnd i kommunalova § 5-7, kan få fullmakt til å avgjere einskildsaker om sakttefritak.
- Bygning og grunn i visse luter av kommunen.
- Fritidsbustader.
Det er føreteke ei verdivurdering ut ifrå kva marknaden er villig til å betale for huset ditt. Derfor kan mange andre faktorar enn areal ha noko å sei for verdien.
Bygningar som vert vurdert til ikkje å kunne restaurerast skal setjast til verde 0.
Eigedomar med bygningar med verde 0 vert å taksere som huslause eigedomar.
Andre bygningar skal takast med i vurderingane av faktor på eigedomen.
Det er ikkje nok at bygningen ikkje vert nytta eller at straumen er teken bort.
Alle gardsbruk får landbrukstakst og betalar halv eigedomsskatt, forutsatt at det er gardsdrift eller at det gjeld eit areal over 100 daa (det vil sei ein sonefaktor på 0,5).
Likeeins gjeld dette tomter over 5 daa, dette vert rekna som landbruk og ikkje skattlagt.
Der eigedomen ikkje lenger er å rekne som gardsbruk, vert fjøset truleg berre nytta som uthus. Ein måler då opp ein etasje i fjøset. Dette gjeld berre der all drift er lagt ned, og dermed ikkje der jorda vert forpakta bort eller vert driven av nabo.
Eigedomsskattelistene med opplysningar om alle skattlagde eigedomar vert lagt ut til offentleg gjennomsyn før 1. mars og ligg ute i minst tre veker. Du finn skattelista på nettsidene her, og i papirformat i ekspedisjonen på kommunehuset.
Rammer og retningsliner
Eigedomsskattelova
Skattelister for eigedomsskatt 2022 (PDF, 4 MB)
Retningsliner for taksering av eigedomar for eigedomsskatt, vedteke 2020 (PDF, 3 MB)