Framlegget finn du her. (PDF, 2 MB)
Høyringa opnar for at interesseorganisasjonar, lag og foreiningar, samt andre interesserte får mogelegheit til å gje innspel til strategien.
Høyringsfristen er sett til 23.april 2025.
Bakgrunn:
Kommuneplan samfunnsdel for Hyllestad 2018 - 2030 er det overordna styringsdokumentet for ei ønska samfunnsutvikling i Hyllestad. “Overordna mål er at kommunen skal ha varierte tilbod innanfor kultur-, idrett- og friluftsliv som motverkar utanforskap og fremjar psykisk helse for alle innbyggjarar og lokalsamfunn.” Ein strategi for å nå målet er å ”styrke samarbeide mellom frivillig sektor og det offentlege”.
Det er fleire sentrale føringar på at kommunar bør utarbeide frivilligpolitikk. 1.juni 2015 la Regjeringa fram Frivilligerklæringa som trekk opp grunnleggjande prinsipp og overordna mål for samspel mellom regjering, statlege styresmakter og frivillig sektor. Lokal frivilligpolitikk styrkar samarbeidet mellom frivillige organisasjonar og kommunar. Derfor har Vestland fylkeskommune lokal frivilligstrategi som ei viktig satsing i regional plan for kultur og frivilligstrategien for Vestland (Vestlandfylke.no). Vestland fylkeskommune var dessutan første fylke som signerte Fritidserklæringa Vestland.
Frivillighet Norge jobbar for at kvar enkelt kommune og fylke skal ha ein god og lokalt forankra politikk for å utvikle frivilligheita lokalt. Ein heilskapleg frivilligpolitikk bør vere ein del av kommunen sitt planverk og omfatte korleis kommunen legg til rette for frivillige organisasjonar og korleis kommunen og frivillige organisasjonar skal samarbeide (https://www.frivillighetnorge.no).Forsking viser at det frivillige engasjementet aukar når det offentlege er gode tilretteleggjarar.
Føremål med frivilligstrategien:
Frivilligstrategien representerer Hyllestad kommune sin frivilligheitspolitikk.
Hyllestad kommune sin frivilligpolitikk skal bidra til meir føreseieleg og langsiktig samspel mellom kommunen og frivillig sektor. Dette bidreg til at frivilligheita får utvikle seg til det beste for lokalsamfunnet og alle innbyggjarar.
Om prosessen:
- Kartlegging av frivilligheita i Hyllestad
- Kontaktmøter med lag og organisasjonar
1.juni 2023
14.desember 2023
25.november 2024 - Utarbeiding av tiltak på bakgrunn av innspel frå frivilligheita
Send inn høyringsuttale
Innspel til høyringa kan sendast på epost til postmottak@hyllestad.kommune.no
Høyringsfristen er sett til 23.04.2025