Tilskot til anlegg for idrett og fysisk aktivitet/spelemidlar

Spelemidlar er overskot frå Norsk Tipping som vert fordelt av Kulturdepartementet til mellom anna ulike idrettslege formål. 

Spelemidlar til anlegg for idrett og fysisk aktivitet er eit viktig verkemiddel for å nå staten si overordna målsetjing om legge til rette for idrett og fysisk aktivitet for alle.

Det fins to hovudgrupper spelemiddeltilskot

Spelemidlar til ordinære anlegg og rehabilitering

Anlegg for organisert aktivitet. Her kan det søkast om 1/3 av godkjent kostnad inntil ei viss grense. Det er ulike maksimumsbeløp på dei ulike anleggstypane.

Typiske ordinære anlegg er for eksempel idrettshallar, friidrettsanlegg, golfanlegg, klubbhus, kunstgrasbaner, skyttaranlegg, kiosk, lagerbygg og symjeanlegg.  

Nærmiljøanlegg

Utandørs anlegg for eigenorganisert aktivitet knytt til bu-/nærområde. Her kan det søkast om 50% av godkjend kostnad med eit maksimumstilskot på 400 000 kroner.

Typiske nærmiljøanlegg er fleirbruksanlegg (tilrettelagt for ballspel, hopp, løp, turn og så vidare), ballbinger/-flater, turløyper lengre enn 500 meter, skileikanlegg, trimparkar og hinderløyper. Det kan også søkast om lysanlegg i tilknyting til nærmiljøanlegg. 

 

Kva vert det ikkje gitt tilskot til?

Det vert ikkje gitt tilskot til drift/vedlikehald, leige, laust utstyr, kjøp av grunn, publikumstribuner, vegar/parkeringsplassar, beplanting, tilknytingsavgifter, flytting av kablar/leidningar/røyrføringar, eigedomsgjerder eller reguleringsarbeid. 

For å kunne få spelemidlar er det eit krav at ein har eit organisasjonsnummer, og at prosjektet du vil gjennomføre er tatt inn i Hyllestad kommune sin handlingsplan for idrett, fysisk aktivitet og kultur. Den blir rullert kvart år med vedtak i kommunestyret. 
 

Merk – med den nye forskrifta kan ikkje grendelag, velforeningar og burettslag søkje midlar til nærmiljøanlegg. 

Det er berre eigaren av anlegget som kan søkje om midlar. Ein kan ikkje søkje på vegne av ein ikkje- søknadsberettiga organisasjon. 

Søknadsskjema for spelemiddelsøknadar er opna. Den kommunale søknadsfristen er 15.oktober. 
Kommunen handsamar søknaden og sender han vidare til fylkeskommunen den 15.januar kvart år. 

For søkjarar som hadde godkjent søknad men ikkje fekk tildeling sist – Hugs å fremje søknaden på nytt

Det er viktig at søkjar set seg godt inn i vilkår og krav. 
Dokumentasjonen må vere på plass når ein fremjar søknaden, og hugs – prosjektet må og vere fullfinansiert! 
 

Forskrift. Generelle bestemmelsar, Lovdata.

Til forskrifta følgjer "Rundskriv 01/26"

Det er og lage ein rettleiar. Den finn du her. 

De finn alle dokumenta samla her.

Søknadsskjema er elektronisk og du må bruke din personlege Bank ID for pålogging. 
Elektronisk søknadsskjema.

Anlegget må vere registrert i Anleggsregisteret av kommunen. Den enkelte organisasjon må ta kontakt med kommunen for å få anlegget oppført i registeret. Dersom korrekt organisasjon er kopla til rett anlegg av kommunen i Anleggsregisteret, vil søkjar få opp ei liste over sine anlegg ved utfylling av søknaden. 

Er det eit nytt anlegg må de sende informasjon om anlegget/prosjektet og be om anleggsnummer til e-post: postmottak@hyllestad.kommune.no, eller Hildegunn.Hatlem@hyllestad.kommune.no