Skulefritidsordning (SFO)

Skulefritidsordninga (SFO) er eit tilbod for barn i 1.–4. klasse, og for barn med særskilte behov i 5. –7. klasse før og etter skuletid, samt heile onsdag.

Slik søkjer du

Frå og med 01.08.22 vart det vedteke 12 timar gratis sfo for elevar i 1.kl. Denne ordninga held fram, og i tillegg er det tilbod om 12 timar gratis sfo for 2.kl. Dette er gjeldande frå 01.08.23.

Du søkjer via Visma Flyt Skule om SFO-plass.

> Søk om SFO-plass

Opningstider

SFO føl skuleåret og er ope heile året, med unnatak av romjul, påskeveka og fire veker om sommaren.

Opningstider:

mandag, tirsdag, torsdag og fredag 07.00 - 08.50 og 14.35 - 16.00
onsdag 07.00 - 16.00

Kva kostar SFO?

Pris per månad per barn

Kva kostar det å kjøpe enkeltdagar eller enkelttimar?

Vert det gitt søskenmoderasjon?

Kva skjer om ein hentar barnet for seint?

Har du låg inntekt kan du få lågare pris

Regjeringa er oppteken av å redusere foreldrebetalinga for familiar med låg inntekt. Ordninga sikrar at ingen familiar skal bruke meir enn maksimalt seks prosent av inntekta si til å betale for ein SFO-plass.

SFO-plass for elevar med særskilde behov i 5.-7. klasse er gratis.

Her kan du søke om lågare foreldrebetaling for SFO

Vi behandlar søknader om lågare pris gjennom heile året, men ordinær søknadsfrist er 1. juni.

Får du søknaden om lågare pris godkjent gjeld det for eitt skuleår om gongen. Du må difor søke på nytt kvart skuleår.
Får du søknaden om lågare pris godkjent, gjeld det frå månaden etter du har sendt søknaden.

Du har rett til å klage om du ikkje får redusert pris. Klagefristen er tre veker etter at du har fått vedtaket. Ei eventuell klage må vere skriftleg. Du sender klagen til Hyllestad kommune, Lifjordvegen 7, 6957 Hyllestad.

Dersom ein heim har tilbodet som heiter 8-14 timar, trekk vi frå 12 timar før vi fakturerar, slik at føresette betalar for 2 timar kvar mnd. Dersom føresette har valt tilbodet 1-7 timar, vert tilbodet gratis. Dersom ein har valt tilbodet over 15 timar, trekk vi 12 timar frå max-timetalet for full plass.

Dette kjem vi til å halde fram med også komande skuleår.

Endring eller oppseiing av SFO-plassen

Du må logge deg inn på Visma Flyt Skule for å endre eller sei opp SFO-plassen.
Oppseiingsfristen er ein månad dersom barnet ikkje lenger har bruk for SFO-plassen.
Ved byte til eit mindre tilbod gjeld òg oppseiingsfristen på ein månad. Ved byte til større tilbod kan endring gjelde straks dersom det er plass.
Tildelt plass gjeld til dess barnet er ferdig med 4. klasse.

SFO i ferien

SFO føl skuleruta, og er stengt når det er fagdagar og SFO-ferie gjeld før ordinær oppstart om hausten, frå 1. august og til skulen byrjar, i haustferien, i vinterferien og to veker etter skuleslutt i juni. Skulen/SFO vil gje meir informasjon når dette er aktuelt, eller du kontaktar rektor for påmelding.

OBS at det må vere fem eller fleire barn påmeldt for at det vert gitt tilbod.

Klage

Er du misnøgd med tilbodet, kan du klage til kommunen. Forklar kva du er misnøgd med.

Ei eventuell klage sender du til Hyllestad kommune, Lifjordvegen 7, 6957 Hyllestad.

SFO skal legge til rette for leik, kultur- og fritidsaktivitetar med utgangspunkt i alder, funksjonsnivå og interesser hos barna. Skulefritidsordninga skal gje barna omsorg og tilsyn. Funksjonshemma barn skal gjevast gode utviklingsvilkår.

SFO har base i klasserommet til 1. klasse. SFO er leia av pedagog og fagarbeidarar.

Hyllestad kommune

Lov og vedtekter som gjeld SFO

> Hyllestad kommune sine vedtekter for SFO (PDF, 495 kB)
> Opplæringslova

Sist endra 05.06.2023 11.00