Skulefritidsordning (SFO) og Fritidstilbod

Skulefritidsordninga (SFO) er eit tilbod for barn i 1.– 4. klasse, og for barn med særskilte behov i 5. –7. klasse før og etter skuletid.

Fritidstilbodet er eit tilbod til barn i 1.- 4. klasse på onsdagar

Slik søkjer du

Du søkjer via Visma Flyt skule om SFO-plass og fritidstilbod.

> Søk om SFO-plass og fritidstilbod

Opningstider

SFO og Fritidstilbodet føl skuleruta. Det vert gitt tilbod om sommar-sfo, og i haust og vinterferie.

SFO: måndag, tysdag, torsdag og fredag: kl. 07.00 - 08.50 og 14.35 - 16.00

Fritidstilbod: onsdag: kl. 07.00 - 16.00

Kva kostar SFO og Fritidstilbod?

Pris per månad per barn

SFO for 4. klasse

Halv plass, 1-7 timar per veke 1335 kroner
Heil plass, 8-13 timar per veke 1940 kroner

SFO for 1.-3. klasse

Gratis

Fritidstilbod onsdag

1.-4. klasse

9 timar (kl. 07.00-16.00) 1940 kroner
6 timar (kl. 08.30-14.30) 1335 kroner

Kva kostar det å kjøpe enkeltdagar eller enkelttimar?

Vert det gitt søskenmoderasjon?

Kva skjer om ein hentar barnet for seint?

Har du låg inntekt kan du få lågare pris

Regjeringa er oppteken av å redusere foreldrebetalinga for familiar med låg inntekt. Ordninga sikrar at ingen familiar skal bruke meir enn maksimalt seks prosent av inntekta si til å betale for ein SFO-plass.

SFO-plass for elevar med særskilde behov i 5.-7. klasse er gratis.

Her kan du søke om lågare foreldrebetaling for SFO

Vi behandlar søknader om lågare pris gjennom heile året, men ordinær søknadsfrist er 1. juni.

Får du søknaden om lågare pris godkjent gjeld det for eitt skuleår om gongen. Du må difor søke på nytt kvart skuleår.
Får du søknaden om lågare pris godkjent, gjeld det frå månaden etter du har sendt søknaden.

Du har rett til å klage om du ikkje får redusert pris. Klagefristen er tre veker etter at du har fått vedtaket. Ei eventuell klage må vere skriftleg. Du sender klagen til Hyllestad kommune, Lifjordvegen 7, 6957 Hyllestad.

Ferietilbod

Endring eller oppseiing av SFO-plassen

Du må logge deg inn på Visma Flyt Skule for å endre eller sei opp SFO-plassen.
Oppseiingsfristen er ein månad dersom barnet ikkje lenger har bruk for SFO-plassen.
Ved byte til eit mindre tilbod gjeld òg oppseiingsfristen på ein månad. Ved byte til større tilbod kan endring gjelde straks dersom det er plass.
Tildelt plass gjeld til dess barnet er ferdig med 4. klasse.

SFO i ferien

SFO føl skuleruta, og er stengt når det er fagdagar.
SFO i ferien gjeld før ordinær oppstart om hausten frå 1. august til skulen byrjar, i haustferien, i vinterferien og i to veker etter skuleslutt i juni.
Det må vere minst fem påmelde barn kvar dag, for at tilbodet skal vere ope.
Det vert sendt ut skjema for påmelding i feriar gjennom Visma Flyt Skule.

Klage

Er du misnøgd med tilbodet, kan du klage til kommunen. Forklar kva du er misnøgd med.

Ei eventuell klage sender du til Hyllestad kommune, Lifjordvegen 7, 6957 Hyllestad.

SFO skal legge til rette for leik, kultur- og fritidsaktivitetar med utgangspunkt i alder, funksjonsnivå og interesser hos barna. Skulefritidsordninga skal gje barna omsorg og tilsyn. Funksjonshemma barn skal gjevast gode utviklingsvilkår.

SFO har eigen base i kjellaren på Hyllestad skule.

Hyllestad kommune

Lov og vedtekter som gjeld SFO

Hyllestad kommune sine vedtekter for SFO
Opplæringslova

Sist endra 11.02.2026 14.51