Skuleskyss

Desse elevane har rett til gratis skuleskyss:

• Elevar i 1. klasse som har meir enn to kilometer til skulen.
• Elevar i 2. - 10. klasse som har meir enn fire kilometer til skulen.
• Elevar med særleg farleg eller vanskeleg skuleveg.
• Elevar med funksjonshemming og midlertidig skade eller sjukdom.
• Busette flyktningar som kan vise ukrainsk pass/id-kort (solidaritet ein viss periode)

Lengda på skulevegen vert målt i gåavstand frå døra heime til døra på skulen.

Trykk her for å berekne rute
Trykk her for meir informasjon om retten til skuleskyss på skyss.no

Skulen tingar skuleskyss til alle elevar i grunnskulen som har rett til skuleskyss.

Foreldre og elevar forheld seg til skulen.

Foreldre som køyrer barn med rett til fri skuleskyss sjølv, kan ha krav på køyregodtgjersle.  Dette må avtalast på førehand med skulen, ta kontakt med rektor for å gjere avtale.

Elevar som har rett på gratis skuleskyss får utlevert eit personleg Skyss skulekort frå skulen.

Skyss skulekort gjeld:

• To reiser kvar dag (til skulen og heim igjen)
• Mellom klokka 05.00 og 19.00
• Ikkje i helger, feriar og fridagar (190 skuledagar kvar skuleår)

Elevar med funksjonshemming, midlertidig skade eller sjukdom kan få drosje i staden for buss. Er dette aktuelt for barnet ditt, må du dokumentere behovet med legeattest og levere dette til rektor på skulen.

Trykk her for å lese meir om tilrettelagt skyss

Elevar som har særleg farleg eller vanskeleg skuleveg har rett til fri skuleskyss utan omsyn til veglengda. Elevar som har særlege behov eller vanskar for å greie seg i det vanlege trafikkbildet på skulevegen sin, kan også ha denne retten.

Trykk her for søknadsskjema

Dersom du meiner at skulevegen for barnet ditt er særleg farleg eller vanskeleg, kan du søkje kommunen eller fylkeskommunen om fri skuleskyss. Søknaden sender du til skulen. Kommunen vurderer søknaden ut frå dei forholda på den aktuelle vegstrekninga, og ut frå dei føresetnadene eleven har.

Vedtak om fri skuleskyss er enkeltvedtak. Du kan klage på det endelege vedtaket til skulen. Vi har ikkje eit eige skjema for dette, så det er nok at du skriv eit brev og sender det til skulen.

Adresse:  Hyllestad skule, Lifjordvegen 7, 6957 Hyllestad eller postmottak@hyllestad.kommune.no