Dei fleste barn vert prioritert etter alder, og barnehagane prioriterer barn som har søsken i same barnehage. Nokre grupper har prioritet ved opptak i alle barnehagane:
- Barn som har nedsett funksjonsevne.
- Barn som har vedtak etter lov om barneverntenester.
- Alder, eldste barn vert prioritert først.
Hyllestad barnehage sine vedtekter § 4 Opptakskriteria:
4.1 BARNEHAGETILBODET
Kommunen har eit hovudopptak med søknadsfrist 15. mars.
I utgangspunktet skal kommunen kunne tilby barnehageplass til alle som søkjer. Dersom dette ikkje let seg gjere, skal behov hjå barnet setjast først, dinest foreldre/føresette sine behov og familien sin økonomi. Avgjerdene skal baserast på ei heilskapsvurdering.
4.2 FØRERETT VED OPPTAK
Ved opptak gjeld følgjande prioritering:
1) Barn med nedsett funksjonsevne barnehageloven §13 og barn med tiltak etter §§ 4-12 og 4-4 i Lov om barnevernstenester.
2) Barn som etter sakkunnig vurdering har trong for barnehageplass, og ikkje har kome med etter pkt. 1.
3) Barn som har foreldre/føresette som er langvarig sjuke eller fråværande.
4) Barn med einslege forsytarar.
5) Barn som har søsken som har plass i barnehagen.
6) For dei som elles står likt, vert den med høgst alder prioritert, samt omsyn til bustad og foreldra sin arbeidssituasjon.
Barnehagen har 100% plass og 60% plass. Born frå Hyllestad kommune vert prioritert ved opptak. Ved ledig kapasitet kan born frå andre kommunar få plass for eit barnehageår om gongen.
4.3 ALDERSFORDELING
Barn som fyller eitt år seinast innan utgangen av august det året det søkjast om barnehageplass, har etter søknad rett til å få plass i barnehage frå august.
Barn som fyller eit år i september, oktober eller november, har etter søknad rett til å få plass i barnehagen innan utgangen av den månaden barnet fyller eitt år. Jf. Barnehagelova § 12a.
Eit barn under 3 år skal reknast som 2 barn over 3 år i arealsamanheng.
Barna beheld 100% eller 60% barnehageplass til skulestart, vert oppsagde, eller foreldra/føresette sender skriftleg oppseiing.
Søkjer du om prioritering ved opptak må det leggast ved dokumentasjon av nyare dato frå sakkunnig instans som til dømes barnevern, helsestasjon, lege eller PPT. I dokumentasjonen skal det gå klart fram kvifor barnet har særleg behov for barnehageplass.