Barnehagemynde

Barnehagemynde er kommunen si rolle med å sjå til at barnehagen følgjer barnehagelova. I Hyllestad har vi berre ein kommunal barnehage. Lovkrava gjeld på same måte som for både kommunale og private barnehagar i andre kommunar. 

For å sikre rettferdig handsaming og god kvalitet, er kommunen si eigarrolle skilt frå rolla som barnehagemynde. 
Det betyr at kommunalsjef oppvekst er barnehageeigar, medan barnehagemyndet er lagt til kommunedirektøren. 

Dette gjer barnehagemynde

Barnehagemynde har tre hovudoppgåver: 

Rettleiing 

Vi gir barnehagen råd og støtte for å sikre trygg og god drift som følgjer regelverket

Tilsyn

Vi kontrollerer at barnehagen driv i samsvar med barnehagelova. 
Tilsyn bidreg til å oppdage og rette opp forhold som kan vere ulovlege eller uforsvarlege. 

Godkjenning

Vi godkjenner barnehagen og handsamar saker som gjeld endringar og dispensasjonar. 

Pålegg om retting

Dersom vi finn brot på regelverket, kan barnehagemynde gje pålegg om retting. Dette skal sikre at: 

• barn får eit trygt og godt barnehagetilbod
• ulovlege eller uforsvarlege forhold vert retta
• også forhold som ikkje er direkte omtala i lova blir fanga opp, dersom dei kan skape utryggleik eller skade kvaliteten på tilbodet

Lov og regelverk

Arbeidet vårt er regulert av: 
- Barnehagelova
- Forskrifter knytt til lova, som rammeplanen “Rammeplan for barnehagen - udir.no”

Les meir:

Kommunens dobbeltrolle som barnehageeier og barnehagemyndighet- udir.no

Lov om barnehagar (barnehagelova) 

For at det skal vere eit best mogeleg samarbeid mellom heim og barnehage bør ein prøve å løyse alle tilbakemeldingar i næraste ledd. Det vil seie at tilbakemeldinga i første omgang kan bli gitt til pedagogisk leiar på avdelinga. Dersom ein ikkje opplever at saka blir løyst kan foreldre/føresette at kontakt med styrar i barnehagen. Det er barnehagen sin styrar som er ansvarleg for tilbodet, og som skal samarbeide med alle foreldre/føresette. 

Dersom det gjeld generelle forhold i barnehagen, kan ein og ta det opp med barnehagen sitt samarbeidsutval (SU). Alle barnehagar skal ha eit samarbeidsutval som er sett saman av representantar frå foreldre og tilsette i barnehagen, samt ein representant frå barnehageeigar (styrar). 
Hyllestad kommune har ansvar for tilsyn med barnehagen. 
Statsforvaltaren er klageinstans. 

Er du uroa og ynskjer å gå vidare med klagen din kontaktar du barnehagemynde i Hyllestad kommune v/ Gjermund Flage.