Tryggleiksalarm

Bur du åleine og har trong for å tilkalle hjelp i akutte situasjonar, har smerter eller føler deg utrygg, så kan du søkje om tryggleiksalarm. Alarmen har du på deg heile døgnet og med den kan du enkelt tilkalle hjelp i akutte situasjonar.

Kva er ein tryggleiksalarm?

Ein tryggleiksalarm er ein alarm for å tilkalle hjelp i akutte situasjonar når som helst på døgnet. Når du trykker på alarmen, vil alarmsentralen umiddelbart ta kontakt med deg, vurdere nødvendig oppfølging og ved behov sende hjelp til deg.

Kven kan få tilbodet?

Eldre, personar med funksjonsnedsetting og andre som kan kjenne seg utrygge ved å bu aleine.

Korleis søke om tryggleiksalarm?

Du må søkje skriftleg om tryggleiksalarm, søknadsskjema finn du her.

Du kan og ringe Hyllestad omsorgssenter på telefon 577 89 600 og be om å få tilsendt søknadsskjema på papir.

Søknad på papir kan sendast til:
Hyllestad omsorgssenter
Åfjordvegen 903
6958 Sørbøvåg.

Kva kostar det?

Korleis vert søknaden handsama og kor lang tid tek det?

Det er tenesteleiar for omsorg som handsamar søknaden din. Omsorgstenesta vil ta kontakt med deg for å avtale eit heimebesøk, der dei kartlegg ditt hjelpebehov. Tildelingseininga vurderer om tryggleiksalarm er den mest tenlege måten å organisere hjelpa på.
Omsorgstenesta handsamar søknaden din og du vil få tilsendt eit vedtak. Dersom søknaden ikkje kan avgjerast innan ein månad, får du ei skriftleg melding om årsaka.

Korleis fungerer tryggleiksalarmen?

Alarmen er knytt til alarmsentralen heile døgnet.
Du må gje løyve til at nøkkelboks/elektronisk lås vert montert ved inngangsdøra di dersom dette vert aktuelt.
Utanfor ein radius på om lag 5–7 km frå tett busetnad bør pårørande/nabo vere førstekontakt for alarmsentralen.
Ved alarmar knytt til heimetenesta, kan det ta inntil ein time før heimetenesta kan vere hos deg. Dette avheng av køyretid og kor raskt ein får avslutta pågåande oppgåver på forsvarleg måte.
Du må betale månadsabonnement for leige av tryggleiksalarmen.
Det er ein månad oppseiingstid.
Hyllestad kommune tek atterhald om retten til å inndra tryggleiksalarmar som ikkje vert brukt i tråd med tildelingskriteria.
Vedlikehald og reparasjonar som følge av vanleg bruk vert dekka gjennom abonnementet.

Sist endra 11.11.2025 10.19