Helsestasjon 0 - 5 år

Kven får tilbodet?

Helsestasjonen er eit tilbod til alle familiar som ventar barn og familiar med barn i alderen 0 - 5 år.

Alt ved helsestasjonen er gratis.

Kva tilbyr vi?

Det første møtet blir på heimebesøket.  Her tek vi med vekt for å vege barnet og tilbyr rettleiing om ammeteknikk og/eller morsmeldtillegg og informerer om tilboda på helsestasjonen.

Neste møte blir på helsestasjonen.  Her tek vi utgangspunkt i det du lurer på, vi føl barnet si utvikling og vaksinering.  Vi har òg fast legekontrollar der vi sjekkar at alt står bra til med barnet ditt ved 6 veker, 6 månader, 1 år og 2 år.

Ikkje ta med sjuke barn til helsestasjonen, ta då kontakt med legen eller legevakta.

Når får barnet innkalling?

• Du vil få innkalling til dei faste helseundersøkingane.
• Alle nybakte foreldre får tilbod om heimebesøk av jordmor kort tid etter utreise frå barselavdelinga. Deretter tek helsesjukepleiar over oppfølginga av barnet og familien, med heimebesøk innan 10 dagar etter fødsel.
• Har du nyleg flytta til Hyllestad kommune og har barn under skulealder, ring oss for å                   etablere kontakt.
• Ta gjerne kontakt sjølv ved behov utover det som er nemnt ovanfor.

Faste konsultasjonar på helsestasjonen og informasjon om vaksiner

Opplever du utfordringar i kvardagen? 

Hyllestad helsestasjon har også tilbod om:

• Temagrupper for spedbarnsforeldre: Vi arrangerer temagrupper for spedbarnsforeldre (0-1 år) ein gong i månaden – informasjon kjem fortløpande til målgruppa. 
• ICDP foreldrerettleiing: International Child Development Programme (ICDP) er eit enkelt, helsefremjande og førebyggjande program som har som mål å styrke omsorgen og oppveksten for barn og unge.
• Vær med meg- følelsesregulering basert på trygghetssirkelen: Foreldrerettleiingsprogram (3 møter x 3 timar). Fokus på å auke føresette sin sensitivitet og nysgjerrigheit i samspel med barnet.
• Psykologisk førstehjelp: PF er kognitiv åtferdsterapi. Forholdet mellom tankar, åtferd, kroppsreaksjonar og følelsar. 

​Adresse

Helsestasjonen held til i kommunehuset på Hyllestad, Lifjordvegen 7, 6957 Hyllestad.

Inngang i 1. etasje, eigen inngang på sørsida (mot Lifjorden).  Du finn òg fram ved å gå gjennom venterommet til legekontoret.

Vil du vite meir?

Her finn du brosjyrer og lenker til nyttige og trygge nettsider:

• Ammehjelpa
• Barnevaksinasjonsprogrammet - fleirspråkleg
• Video "I trygge hender" - gode råd når babyen din gret
• Kostråd
• Miljø og tryggleik for barn
• Stinesofiesstiftelsen sin foreldrepakke
• Om fødselsdepresjon
• Sikring av barn i bil 
• Sovemiljø for spedborn
• Tips til deg med barn : foreldrekvardag
• Å førebyggje brannskade
• Småbarnforeldres rettigheiter
• Barn og sjukdom
• Barn og tannhelse
• Helseoversikt app'en
• Norsk helseinformatikk gir råd om korleis barnet skal sove
• Norsk helseinformatikk gir råd om babyar og søvn

Helsesjukepleiar Signe Bjorøy har foreldrepermisjon i 2025, vikar for henne er sjukepleiar Tetyana Savchenko.